اردوورلڈ کینیڈا ( ویب نیوز )الیکشن کمیشن نے توشہ خانہ کیس میں سزا کے بعد عمران خان کو چیئرمین پی ٹی آئی کے عہدے سے ہٹانے کا فیصلہ کیا ہے۔
تفصیل کے مطابق چیف الیکشن کمشنر کی زیر صدارت الیکشن کمیشن کا اہم اجلاس جاری ہوا۔ اجلاس میں الیکشن کمیشن کے افسران اور ممبران نے شرکت کی۔اجلاس میں پی ٹی آئی چیئرمین عمران خان کو توشہ خانہ کیس میں عدالت کی جانب سے سزا سنائے جانے کے بعد کی صورتحال کا جائزہ لیا گیا اور فیصلہ کیا گیا کہ سزا ہونے کے بعد عمران خان مزید پارٹی کا عہدہ نہیں رکھ سکتے، اس لیے الیکشن کمیشن اب قانونی طور پر عمران خان کو پارٹی چیئرمین شپ سے برطرف کرنے کا حکم جاری کریں۔
اطلاعات کے مطابق الیکشن کمیشن کے پولیٹیکل فنانس ونگ نے فائل کی تیاری شروع کردی ہے او نوٹیفکیشن جاری کردیا جائے گا۔دریں اثناء اجلاس میں حکام کو ڈیجیٹل مردم شماری کے نتائج کے بارے میں بریفنگ دی گئی۔ ملاقات میں مردم شماری کے بعد نئی حلقہ بندیاں ہوں گی یا نہیں۔ الیکشن کمیشن مردم شماری کے بعد آئینی اور قانونی آپشنز پر غور کر رہا ہے۔الیکشن کمیشن نے مشاورت کی کہ عام انتخابات کے لیے نئی مردم شماری کرائی جائے یا نہیں۔ نئی مردم شماری عام انتخابات میں کتنی تاخیر کرے گی؟ اس حوالے سے لیگل ٹیم نے الیکشن کمیشن کو بریفنگ دی۔
