اردوورلڈ کینیڈا ( ویب نیوز)الیکشن کمیشن نے پاکستان تحریک انصاف کو انتخابی نشان دینے کے معاملے پر پشاور ہائی کورٹ کے فیصلے کے خلاف سپریم کورٹ میں اپیل دائر کی ہے.
سپریم کورٹ نے الیکشن کمیشن کی اپیل پر ڈائری نمبر الاٹ کر دیا.
الیکشن کمیشن نے درخواست میں کہا ہے کہ پی ٹی آئی نے الیکشن ایکٹ کے مطابق انٹرا پارٹی انتخابات نہیں کرائے ہیں.
درخواست میں مزید کہا گیا ہے کہ پشاور ہائی کورٹ کا فیصلہ آئین اور قانون کے خلاف ہے اور اسے کالعدم قرار دیا جانا چاہیے.
واضح رہے کہ پشاور ہائی کورٹ نے گزشتہ روز پی ٹی آئی کو بیٹ سائن واپس کرنے کا فیصلہ کیا تھا.