اردو ورلڈ کینیڈا ( ویب نیوز ) آکسفورڈ یونیورسٹی کو اندازہ نہیں تھا کہ چانسلر کے انتخاب کا آسان عمل اتنا پیچیدہ ہو جائے گا۔رپورٹ کے مطابق یونیورسٹی نے اس بارے میں قانونی رائے مانگی ہے کہ آیا بانی پی ٹی آئی چانسلر بننے کے معیار پر پورا اترتے ہیں یا نہیں،رپورٹ کے مطابق لارڈ پیٹن آف بارنس کی جانب سے ریٹائرمنٹ کے اعلان کے بعد چانسلر بننے کی دوڑ شروع ہوگئی ہے، یونیورسٹی پہلی بار آن لائن پاپولر ووٹ کے ذریعے چانسلر کا انتخاب کرے گی۔
رپورٹ میں یہ بھی کہا گیا ہے کہ سابق طلباء کو امیدواروں کی ترجیح کے لحاظ سے درجہ بندی کرنے کے لیے مدعو کیا گیا ہے، جن میں لارڈ ولیم لیگ، لارڈ لیٹر مینڈیلسن، لیڈی ویلش انجلینی، ڈاکٹر مارگریٹ شامل ہیں۔آکسفورڈ یونیورسٹی رواں ہفتے چانسلر کے عہدے کے لیے اہل امیدواروں کا اعلان کرے گی، نئے چانسلر کا اعلان اس سال کے آخر میں انتخابی عمل مکمل ہونے کے بعد کیا جائے گا۔
