کمشنر راولپنڈی لیاقت علی چٹا نے پنڈی کرکٹ اسٹیڈیم میں پریس کانفرنس کرتے ہوئے انتخابی بے ضابطگیوں پر استعفیٰ دینے کا اعلان کیا.
انہوں نے کہا کہ ہم نے 8 فروری کی رات راولپنڈی سے ہارے ہوئے امیدواروں کو 50 ہزار کی برتری میں تبدیل کر دیا. میں نے راولپنڈی ڈویژن میں ناانصافی کی ہے بعد میں میں نے خودکشی کرنے کی کوشش کی، پھر میں نے سوچا کہ مجھے حرام موت نہیں مرنا چاہیے، کیوں نہ سب کچھ لوگوں کے سامنے رکھاجائے
لیاقت علی چٹھہ نے کہا کہ مجھے راولپنڈی کچہری چوک میں پھانسی دی جائے میں راولپنڈی ڈویژن میں انتخابی دھاندلی کی ذمہ داری قبول کرتا ہوں اور خود کو پولیس کے حوالے کر دیتا ہو ں میں ایک پرامن موت مرنا چاہتا ہوں اور مجھے ظلم کی سزا ملنی چاہیے، چیف الیکشن کمشنر اور دیگر کو میرے ساتھ سزا ملنی چاہیے.
کمشنر راولپنڈی نے کہا کہ ہم نے راولپنڈی ڈویژن کی قومی اسمبلی کی تیرہ نشستوں پر ہارنے والوں کو جتوایا
لیاقت علی چٹھہ نے کہا کہ چیف جسٹس اور چیف الیکشن کمشنر دھاندلی کے اس جرم میں ملوث ہیں.