ارددو ورلڈ کینیڈا ( ویب نیوز ) امریکی ایوان نمائندگان نے پاکستان کے عام انتخابات کی تحقیقات کا مطالبہ کیا ہے۔امریکی ایوان نمائندگان کی جانب سے 368 کے مقابلے 7 ووٹوں سے منظور ہونے والی غیر پابند قرارداد میں 8 فروری کے انتخابات میں مداخلت اور بے ضابطگیوں کے الزامات کی آزادانہ اور غیر جانبدارانہ تحقیقات کا مطالبہ کیا گیا ہے۔ قرارداد میں کہا گیا ہے کہ یہ پاکستان میں عوام کو جمہوری عمل میں حصہ لینے سے روکنے کے لیے دبانے کی کوششوں کی مذمت کرتی ہے۔

قرارداد میں لوگوں کو جمہوری عمل میں حصہ لینے سے روکنے کے لیے ڈرانے دھمکانے، ہراساں کرنے اور قید کرنے کی بھی مذمت کی گئی جب کہ قرارداد میں کہا گیا کہ انٹرنیٹ اور ٹیلی کمیونیکیشن کی سہولیات کی فراہمی میں رکاوٹیں اور انسانی، شہری اور سیاسی حقوق کی خلاف ورزی قابل مذمت ہے۔