اردو ورلڈ کینیڈا ( ویب نیوز )وفاقی وزیر داخلہ رانا ثناء اللہ نے چیئرمین پی ٹی آئی کو مخاطب کرتے ہوئے کہا کہ انتخابات اکتوبر 2023 میں ہونے چاہئیں کیونکہ حکومت اپنی مدت پوری کرے گی اور نواز شریف 2023 کے انتخابات کی انتخابی مہم کی قیادت خود کریں گے۔

ان خیالات کا اظہار وفاقی وزیر داخلہ رانا ثناء اللہ نے فیصل آباد میں مسلم لیگ ن کے ورکرز کنونشن سے خطاب کرتے ہوئے کیا۔

رہنما مسلم لیگ ن کا کہنا تھا کہ عمران خان نے سی پیک کو بند کیا، اگر یہ منصوبہ مکمل ہوتا تو کوئی بے گھر نہ ہوتا، ڈالروں کی بارش ہوتی اور دنیا پاکستان کے ساتھ تجارت کرتی، لیکن انہوں نے اقتدار میں آکر سی پیک بند کردیا۔ حالانکہ یہ منصوبہ 2021 تک مکمل ہونا تھا۔

وفاقی وزیر داخلہ نے کہا کہ چیئرمین پی ٹی آئی نے ایران گیس پائپ لائن بھی بند کی۔ اس نے پورا توشہ خانہ چرایا، اربوں کے تحفے خریدے اور اربوں میں بیچے۔

یہ بھی پڑھیں

عمران خان سے غیر مشروط مذاکرات کیلئے تیار ہیں ،رانا ثناء اللہ

رانا ثناء اللہ نے کہا کہ وہ ہمیں چور اور ڈاکو کہہ رہے ہیں اور خود توشہ خانہ سے گھڑیاں چوری کر رہے ہیں