اردوورلڈ کینیڈا ( ویب نیوز )) وزارت توانائی نے بجلی بحران پر قابو پانے کے لیے ملک بھر میں دکانیں اور کاروبار غروب آفتاب کے وقت بند کرنے کی تجویز دی ہے۔

وزارت توانائی کے ذرائع کے مطابق تجویز پر یکم اکتوبر سے 15 فروری تک عمل درآمد کا امکان ہے اور اس تجویز پر عمل درآمد کے لیے تمام چیمبرز آف فیڈریشن اور تاجر تنظیموں سے مشاورت شروع کردی گئی ہے۔
ذرائع کا کہنا ہے کہ چاروں صوبائی حکومتوں سے کہا جائے گا کہ وہ اس تجویز پر عملدرآمد کریں جب کہ بجلی کے بحران پر قابو پانے کے لیے قانون سازی کا مسودہ تیار کیا جا رہا ہے۔
ذرائع کے مطابق اس اقدام سے یومیہ 1500 میگاواٹ سے زائد بجلی کی بچت ہوگی۔