اردو ورلڈ کینیڈا ( ویب نیوز) ایلون مسک نے ٹویٹر کا کنٹرول اپنے ہاتھ میں لے لیا ہے اور انہوں نے ٹویٹر کے سی ای او اور چیف فنانشل آفیسر کے ساتھ ساتھ کمپنی کے جنرل کونسلر کو بھی برطرف کر دیا ہے۔ اس بات کا انکشاف جمعرات کی رات اس معاہدے سے واقف دو افراد نے کیا۔
ان باخبر افراد کی جانب سے اس بات کا کوئی ذکر نہیں کیا گیا کہ 44 ارب ڈالر کے اس ڈیل سے متعلق تمام کاغذی کام مکمل ہو چکے ہیں یا نہیں یا یہ معاہدہ اپنے انجام کو پہنچا ہے یا اس پر دستخط ہو چکے ہیں تاہم ان کا کہنا تھا کہ اب سوشل میڈیا پر ایلون مسک پلیٹ فارم کے انچارج اور سی ای او پیراگ اگروال، سی ایف او نیڈ سیگل اور جنرل کونسلر وجے گڈے کو اس نے ہٹا دیا ہے۔ معاملے کی نازک نوعیت کو دیکھتے ہوئے دونوں افراد نے نام ظاہر نہ کرنے کی شرط پر یہ معلومات دیں۔
یہ معلومات ڈیلوریئر کے جج کی طرف سے ڈیل کو حتمی شکل دینے کے لیے مقرر کردہ آخری تاریخ سے پہلے سامنے آئی ہیں۔ اس جج کی جانب سے متنبہ کیا گیا کہ اگر دونوں فریقین کے درمیان کوئی معاہدہ نہیں ہوا تو وہ مقدمے کی سماعت شروع کریں گے۔
130
