اردو ورلڈ کینیڈا ( ویب نیوز ) برازیل کی عدالت نے ایلون مسک سے جعلی خبریں پھیلانے والوں کے خلاف کارروائی کا مطالبہ کیا تاہم ایلون مسک نے اس مقصد کے لیے برازیل میں دفتر کھولنے سے انکار کردیا۔برازیل کی سپریم کورٹ کے جج الیگزینڈر مورس نے قومی ٹیلی کمیونیکیشن ایجنسی کو فوری طور پر ملک بھر میں XK سروسز کو بند کرنے کا حکم دیا۔سپریم کورٹ نے گوگل اور ایپل سمیت انٹرنیٹ فراہم کرنے والوں کو X ایپلی کیشنز کو بلاک کرنے کے لیے تکنیکی رکاوٹیں ڈالنے کا بھی حکم دیا۔
سوشل نیٹ ورکنگ سائٹ X کے برازیل میں 22 ملین سے زیادہ صارفین ہیں۔واضح رہے کہ ایلون مسک رواں ماہ کے آغاز میں برازیل میں اپنے کاروباری معاملات پہلے ہی بند کر چکے ہیں۔انہوں نے دعویٰ کیا تھا کہ سپریم کورٹ کے جج مورس نے سنسر شپ کے حکم کو نافذ کرنے کے لیے کمپنی کے قانونی نمائندے کو گرفتار کرنے کی دھمکی دی تھی۔