امریکی صدر ڈونلڈ ٹرمپ نے ایرانی شہریوں کو دارالحکومت تہران خالی کرنے کی تنبیہ کی ہے۔.

سوشل میڈیا پر ایک پیغام میں صدر ٹرمپ نے کہا کہ انہوں نے ایران سے جوہری معاہدے پر دستخط کرنے کو کہا ہے اور اسے ایسا کرنا چاہیے تھا۔صدر ٹرمپ نے کہا کہ انہوں نے یہ بات بارہا کہی ہے لیکن ایسا نہیں ہوا انسانی جانوں کا ضیاع شرم کی بات ہے۔ ایران کسی بھی حالت میں جوہری ہتھیار حاصل نہیں کرسکتا۔اس سے قبل کینیڈا میں جی 7 سربراہی اجلاس میں برطانوی وزیر اعظم کے ساتھ بات چیت میں ٹرمپ نے کہا تھا کہ ایران کو اس معاہدے پر دستخط کرنے چاہئیں، وہ اس بات کو یقینی بنانے جا رہے ہیں کہ ایران کے پاس جوہری ہتھیار نہ ہوں۔امریکی صدر ٹرمپ نے پیش گوئی کی ہے کہ ایران جوہری معاہدہ کرے گا۔دوسری جانب وائٹ ہاؤس کے مطابق ٹرمپ آج کینیڈا سے واشنگٹن واپس آئیں گے۔. ٹرمپ اہم معاملات میں حصہ لیں گے۔وائٹ ہاؤس کے مطابق ٹرمپ نے قومی سلامتی کونسل کو تیار رہنے کا حکم دیا۔