اردو ورلڈ کینیڈا ( ویب نیوز ) انگلینڈ کا پہلا میچ روایتی حریف آسٹریلیا کے خلاف 22 فروری کو لاہور میں ہوگا۔

انگلینڈ کی کرکٹ ٹیم آئی سی سی چیمپئنز ٹرافی 2025 میں شرکت کے لیے پاکستان پہنچ گئی ہے۔انگلش ٹیم جوز بٹلر کی قیادت میں لاہور پہنچی۔ انگلینڈ کی ٹیم کا 31 رکنی دستہ جس میں کرکٹرز اور عملہ بھی شامل ہے، دبئی کے راستے لاہور پہنچ گیا۔انگلینڈ کے ہیڈ کوچ برینڈن میک کولم اور منیجنگ ڈائریکٹر رابرٹ بھی ٹیم کے ہمراہ ہیں۔انگلینڈ کی ٹیم چیمپئنز ٹرافی 2025 میں اپنے گروپ میچ لاہور اور کراچی میں کھیلے گی۔انگلینڈ کی ٹیم کا پہلا میچ 22 فروری کو لاہور میں روایتی حریف آسٹریلیا کے خلاف ہو گا۔انگلینڈ کا دوسرا میچ 26 فروری کو لاہور کے قذافی سٹیڈیم میں افغانستان کے خلاف کھیلا جائے گا۔انگلینڈ کا آخری گروپ میچ یکم مارچ کو کراچی کے نیشنل اسٹیڈیم میں جنوبی افریقہ سے ہوگا۔