فلسطینی مزاحمتی تحریک حماس نے اپنے بیان میں مزید کہا کہ امریکی بحریہ کی کمک بھی اسرائیلی فوج کے حوصلے بلند نہیں کر سکے گی۔خبر رساں ادارے کے مطابق امریکا کی جانب سے اسرائیل بھیجے گئے بحری بیڑے میں طیارہ بردار بحری جہاز سمیت 5 تباہ کن طیارے شامل ہیں۔امریکی وزیر دفاع لائیڈ آسٹن کا کہنا تھا کہ امریکی فضائیہ بھی خطے میں اپنی طاقت میں اضافہ کرے گی اور اسرائیلی فوج کے لیے مزید فوجی سازوسامان، لڑاکا طیارے، اسلحہ اور گولہ بارود اسرائیل بھیجا جا رہا ہے۔
یہ بھی پڑھیں
امریکا کا اسرائیل کی مدد کے لیے جنگی بحری بیڑا بھیجنے کا اعلان
امریکی وزیر دفاع لائیڈ آسٹن کا کہنا تھا کہ اسرائیل کی مدد کے لیے جنگی بیڑے اسرائیل بھیجے جا رہے ہیں، امریکی فضائیہ کے F-15، F-16، F-35 اور A-10 لڑاکا طیارے بھی اسرائیل بھیجے جا رہے ہیں۔ امریکی سیکیورٹی امداد آج سے شروع ہوگی۔واضح رہے کہ فلسطینی مزاحمتی تحریک حماس کے اسرائیل پر زمینی اور سمندر سے کیے گئے حملوں میں ایک اعلیٰ افسر اور 50 صہیونی فوجیوں سمیت 700 سے زائد اسرائیلی ہلاک جب کہ 2200 سے زائد زخمی اور 100 سے زائد کو یرغمال بنا لیا گیا تھا۔ فلسطینی وزارت صحت کے مطابق اسرائیلی حملوں میں 78 خواتین اور 41 بچوں سمیت 413 فلسطینی شہید جب کہ 121 فلسطینی بچوں سمیت 2300 سے زائد زخمی ہوئے ہیں۔
