اردوورلڈ کینیڈا ( ویب نیوز )پاکستان تحریک انصاف کے وائس چیئرمین شاہ محمود قریشی نے کہا ہے کہ ماڈل ٹاؤن میں شہباز شریف اور آصف علی زرداری کی ملاقات نے دبئی کے فیصلوں پر مہر ثبت کردی ہے۔
ملتان میں میڈیا سے گفتگو کرتے ہوئے شاہ محمود قریشی نے کہا کہ سب جانتے ہیں لاہور اجلاس میں کیا بات ہوئی

، اسمبلیوں کی تحلیل، نگران سیٹ اپ کے معاملے پر دو بڑی سیاسی جماعتوں میں مشاورت ہوئی اور فیصلے کیے گئے۔پی ڈی ایم کی دیگر جماعتوں کو بھی اعتماد میں لیا جائے گا، فیصلے ہو چکے ہیں، اب مشاورت باقی ہے۔
پی ٹی آئی کے وائس چیئرمین نے کہا کہ پی ڈی ایم کی دیگر جماعتوں کو مدعو کیا جائے گا، لیکن ان کو پہلے ہی کیے گئے فیصلوں پر اعتماد میں لیا جائے گا۔
انہوں نے کہا کہ اب یہ ابہام نہیں رہا کہ نگران وزیراعظم کس کی مرضی ہوگی
انہوں نے کہا کہ ایاز صادق کی سربراہی میں انتخابی اصلاحات سے متعلق کمیٹی بنا دی گئی ہے، انتخابی اصلاحات عجلت میں کی جا رہی ہیں، پی ٹی آئی اہم اسٹیک ہولڈر ہے، پی ٹی آئی پر بھی اعتماد کیا جائےاپوزیشن لیڈر راجہ ریاض صاحب برائے نام ہیں۔
شاہ محمود قریشی نے مزید کہا کہ استحکام پاکستان پارٹی میں بھی عدم استحکام کی جھلک نظر آئی ہے