اردو ورلڈ کینیڈا( ویب نیوز ) ایک نئی تحقیق سے معلوم ہوا ہے کہ سالن بنانے کا طریقہ تقریباً 2 ہزار سال قبل جنوب مشرقی ایشیا میں متعارف کرایا گیا تھا۔
سائنس ایڈوانسز جریدے میں حال ہی میں شائع ہونے والی تحقیق نے عالمی تاریخ میں مسالوں کی عالمی تجارت کے کردار پر روشنی ڈالی ہے۔
تحقیق میں ماہرین آثار قدیمہ نے ویتنام میں دریافت ہونے والے پتھر کے مسالہ گرائنڈرز کی سطح پر پودوں کی باقیات کا جائزہ لیا۔جنوبی ویتنام کے اس علاقے میں محققین نے پہیے اور مارٹر پیسنے سے ملتے جلتے اوزار دریافت کیے ہیں جو قدیم جنوبی ایشیا میں سالن بنانے کے اوزار کے طور پر استعمال ہوتے تھے۔تحقیق میں شامل سائنسدانوں نے کہا کہ تجزیہ کیے گئے آلات مختلف مصالحوں کے ذائقوں کو نکالنے کے لیے بنائے گئے تھے۔
یہ بھی پڑھیں
غزہ میں 125 رومی مقبرے دریافت
یہ باقیات جنوبی ایشیا اور انڈونیشیا کے مصالحوں سے متعلق ہو سکتے ہیں، جو موجودہ جنوبی ایشیا میں پکائی جانے والی سالن کے لیے اہم اجزاء ہیں۔واضح رہے کہ جنوبی ایشیا 4000 ہزار سال سے زائد عرصے سے ایشیا اور یورپ میں مصالحوں کا اہم ذریعہ رہا ہے۔محققین نے دریافت کیے گئے آلات میں سے 12 کی سطحوں پر پودوں کے بافتوں پر پائے جانے والے 717 غیر نامیاتی، پولن اور سلکا کے ذرات کا بھی تجزیہ کیا۔
