ishtiaq ahmed 
اردو ورلڈ کینیڈا ( ویب نیوزضپنجاب کی اینٹی کرپشن اسٹیبلشمنٹ نےسابق ڈپٹی سپیکر صوبائی اسمبلی دوست محمد مزاری کو مبینہ طور پر اراضی پر قبضہ کیس میں گرفتار کر لیا۔
گرفتاری کی تصدیق کرتے ہوئے ان کے کزن شباب مزاری نے بتایا کہ پی ٹی آئی کے ناراض ایم پی اے کو اس وقت گرفتار کیا گیا جب وہ ایک نجی ہسپتال میں اپنے بیمار دادا بلخ شیر مزاری کی عیادت کر رہے تھے۔
سابق ڈپٹی سپیکر کی گرفتاری کے حوالے سے بات کرتے ہوئے پی ٹی آئی کے منحرف رکن قومی اسمبلی سردار ریاض محمود خان مزاری نے کہا کہ میرے والد بلخ شیر مزاری 15 روز سے بیمار ہیں، دوست محمد مزاری ہسپتال میں میرے والد کی عیادت کے لیے آئے تھے۔
ایم این اے نے انکشاف کیا کہ اے سی ای کے اہلکار بغیر کسی وارنٹ یا فرسٹ انفارمیشن رپورٹ (ایف آئی آر) کے ہسپتال میں مزاری کو گرفتار کرنے آئے تھے۔
ریاض مزاری نے کہا کہ دوست مزاری کو سیاسی انتقام کا نشانہ بنایا جا رہا ہے۔
