اردو ورلڈ کینیڈا ( ویب نیوز ) بھارتی سپریم کورٹ نے دوہرے قتل کیس میں سابق رکن لوک سبھا کو عمر قید کی سزا سنادی۔

بھارتی میڈیا کے مطابق سپریم کورٹ نے جمعہ کو پربھونتھ سنگھ کے خلاف قتل کیس کا فیصلہ سناتے ہوئے انہیں عمر قید کی سزا سنادی۔

بھارتی میڈیا کے مطابق راشٹریہ جنتا دل کے سابق رکن پر 1995 میں دو افراد کے قتل کے الزام میں مقدمہ درج کیا گیا تھا، ان کا کہنا تھا کہ پربھونتھ سنگھ نے 1995 کے الیکشن میں مخالف امیدوار کو ووٹ دینے پر دو افراد کو گولی ماری تھی۔ جس سے وہ مارا گیا۔
بھارتی میڈیا کے مطابق سپریم کورٹ کے دو رکنی بینچ نے 18 اگست کو ملزمان پر دفعہ 302 اور 307 کے تحت فرد جرم عائد کی تھی جس پر عدالت نے فیصلہ سنایا۔عدالت نے اپنے فیصلے میں بہار کی ریاستی حکومت کو متاثرہ خاندان کو 10 لاکھ روپے ادا کرنے کا بھی حکم دیا۔بھارتی میڈیا کے مطابق پربھونتھ سنگھ کئی  بار لوک سبھا کے رکن رہ چکے ہیں۔