اردو ورلڈ کینیڈا ( ویب نیوز )انسپکٹر جنرل پولیس پنجاب فیصل شاہکار نے عہدے سے مستعفی ہونے کا فیصلہ کرتے ہوئے وفاقی حکومت کو پنجاب میں سروس جاری نہ رکھنے کا خط لکھ دیا۔
فیصل شاہکار نے ایک خط میں کہا ہے کہ ذاتی وجوہات کی وجہ سے میرے لیے پنجاب میں ا پنی موجودہ سروس کو جاری رکھنا ممکن نہیں
خط میں کہا گیا ہے کہ درخواست کی جاتی ہے کہ میری خدمات فوری طور پر حکومت پنجاب سے واپس لے کر وفاقی حکومت کے سپرد کی جائیں۔
اس پیشرفت سے باخبر ذرائع نے دعوی کیا کہ وزیر آباد واقعے کی ایف آئی آر کے اندراج پر پنجاب حکومت اور آئی جی کے درمیان اختلافات تھے۔
ایک روز قبل پاکستان تحریک انصاف کے وائس چیئرمین شاہ محمود قریشی نے واقعے کی ایف آئی آر درج نہ ہونے پر آئی جی پنجاب سے مستعفی ہونے کا مطالبہ کیا تھا۔