اردو ورلڈ کینیڈا ( ویب نیوز )فاشسٹ حکومت نے جنرل مشرف کے مارشل لا کو بھی پیچھے چھوڑ دیا، چیئرمین تحریک انصاف عمران خان نے کہا ہے کہ قانون کی حکمرانی کو بالکل پیچھے چھوڑتے ہوئے فاشسٹ حکومت نے جنرل مشرف کے مارشل لا کو بھی پیچھے چھوڑ دیا۔سوشل میڈیا ویب سائٹ ٹوئٹر پر اپنے بیان میں سابق وزیراعظم عمران خان نے کہا ہے کہ یہ فسطائی حکومت تحریک انصاف کو کچلنے کے یک نکاتی ایجنڈے پر کاربند ہے، اس دوران ملکی معیشت تباہی کے گہرے گڑھے میں گر رہی ہے۔ اوپن مارکیٹ میں ڈالر 315 روپے میں فروخت ہو رہا ہے جبکہ شناختی کارڈ نہ رکھنے والوں کے لیے 320 سے 325 روپے میں دستیاب ہے۔
قانون کی حکمرانی کو پوری طرح پسِ پشت ڈالتے ہوئے یہ فسطائی حکومت جنرل مشرف کے مارشل لاء کو کہیں پیچھے چھوڑتے ہوئے، تحریک انصاف کو کچلنے کے یک نکاتی ایجنڈے پر کاربند ہے۔
اس دوران ملکی معیشت اوندھے منہ تباہی کی گہری کھائی میں گرتی جارہی ہے۔ اوپن مارکیٹ میں ڈالر 315 روپے میں فروخت…
— Imran Khan (@ImranKhanPTI) May 29, 2023
چیئرمین پی ٹی آئی عمران خان نے کہا کہ سرکاری اور اوپن مارکیٹ کے نرخوں میں فی ڈالر 30 روپے کا فرق ہے، جس کا سیدھا مطلب ہے معیشت میں ڈالر کا ذخیرہ اندوزی / روپے کے مقابلے میں ڈالر میں عوام / کاروباری طبقے کا غیر معمولی اعتماد
سابق وزیراعظم عمران خان نے مزید کہا ہے کہ ملک بہت زیادہ مہنگائی کے چنگل میں پھنس جائے گا ڈی ایم رہنما ئوں کے اربوں ڈالرز غیر ملکی محفوظ خانوں میں محفوظ ہیں ان کا تو سمجھ میں آتا ہے لیکن سوال یہ پیدا ہوتا ہے کہ پاکستان کی حکمران اسٹیبلشمنٹ کس طرح ملک کو مکمل معاشی تباہی اور بدحالی کی دلدل میں دھنسنے دے رہی ہے۔
