257
اردو ورلڈ کینیڈا ( ویب نیوز)نواز شریف کو بیرون ملک جانے کی اجازت کے معاملے میں تحریک انصاف کے رہنما فواد چوہدری نے وزیر اعظم شہباز شریف کے خلاف سپریم کورٹ میں درخواست دائر کر دی۔
سپریم کورٹ میں دائر درخواست میں فواد چوہدری نے استدعا کی ہے کہ لاہور ہائی کورٹ نواز شریف کی بیرون ملک جانے کی اجازت کے کیس میں مجھے فریق بنانے کا حکم دے۔
درخواست میں کہا گیا ہے کہ خرابی صحت کے باعث نواز شریف کے بیرون ملک جانے کے ضامن شہباز شریف تھے، نواز شریف مفرور مجرم ہیں، شہباز شریف کو ضامن کے طور پر نواز شریف کو وطن واپس لانا تھا لیکن انہوں نے سفارتی حکم جاری کیا۔
فواد چوہدری کا کہنا ہے کہ لاہور ہائیکورٹ نے کیس میں فریق بننے کی میری درخواست مسترد کردی، لاہور ہائیکورٹ مجھے کیس میں فریق بنانے کا حکم دے۔
درخواست میں وزیر اعظم شہباز شریف اور ریاست کو فریق بنایا گیا ہے۔
