اردو ورلڈ کینیڈا( ویب نیوز)تحریک انصاف نے تمام سیاسی جماعتوں کو مل کر الیکشن کے لیے لائحہ عمل بنانے کی دعوت دی ہے۔
نجی ٹی وی کے مطابق تحریک انصاف کے سینئر نائب صدر چوہدری فواد حسین، سینئر رہنما پرویز خٹک اور مسرت جمشید چیمہ نے زمان پارک کے باہر میڈیا سے گفتگو کرتے ہوئے کہا کہ سیاسی جماعتیں مل کر الیکشن کے لیے لائحہ عمل بنائیں۔
چوہدری فواد حسین نے کہا کہ چیئرمین پی ٹی آئی عمران خان سے بات ہوئی ہے اور انہوں نے آئندہ انتخابات کے حوالے سے آل پارٹیز کانفرنس بلانے پر اتفاق کیا ہے اب ہم آگے بڑھیں گے۔
الیکشن کمیشن نے دبائو کے باوجود انتخابات کا فیصلہ کیا، قابل تعریف کام ہے،فواد چوہدری
رہنما تحریک انصاف کا مزید کہنا تھا کہ دو دن میں ہمارے پانچ سو افراد کو گرفتار کیا گیا ہے، صدیق جان کو بھی گرفتار کیا گیا۔
پی ٹی آئی کے سینئر رہنما پرویز خٹک نے کہا کہ ہم بات کرنے کو تیار ہیں، کل کی پارٹی کانفرنس کا واحد ایجنڈا الیکشن ہوگا۔ .
پرویز خٹک نے مزید کہا کہ عمران خان اور کارکنوں پر قتل کے مقدمات قابل قبول نہیں، پولیس نے کارکنوں پر تشدد کیا، کیا حکومت انتشار چاہتی ہے۔
