ishtiaq ahmed 
اردو ورلڈ کینیڈا ( ویب نیوز )عدلیہ کو تنقید کا نشانہ بنانے پر فواد چوہدر یمسلم لیگ ن کی قیادت کو کڑی تنقید کا نشانہ بنایا ہے۔
پی ٹی آئی رہنما فواد چوہدری نے سوشل میڈیا پر جاری بیان میں کہا کہ ن لیگ کے 100 پیاز اور 100 جوتے والے محاورے کے سچ ہونے کی مثال ملنا مشکل ہے۔ ان کا پلان یہ ہے کہ ایک پرو اسٹیبلشمنٹ کی سیاست کرے گا اور دوسرا اینٹی اسٹیبلشمنٹ منجن بیچے گا؟
ان کا مزید کہنا تھا کہ ایک کا منصوبہ ناکام ہو جائے تو دوسرے کو آگے لے جائیں، یہی فارمولہ اگلی نسل کو منتقل کیا جا رہا ہے
فواد چوہدری نے کہا کہ عدلیہ کے خلاف بیانات شروع ہو گئے ہیں، آئندہ چند روز میں فوج کے خلاف شروع ہو جائیں گے، اس سکیم میں خامی یہ ہے کہ 1990 والے لوگ نہیں رہے اور مقابلہ بھی عمران خان سے ہے۔
ان کا کہنا ہے کہ ن لیگ کی حکمت عملی سیاست سے مکمل طور پر باہر ہو جائے گی، لیکن اداروں کو نقصان ہوگا، اگر وہ اپنی حدود میں رہتے تو کچھ نہیں تھا، لیکن اب ن لیگ کو اداروں کو نشانہ بنانا ہے۔
