اردو ورلڈ کینیڈا ( ویب نیوز ) فوزیہ جنجوعہ نیو جرسی کے ماؤنٹ لوریل میں پہلی پاکستانی نژاد امریکی میئر منتخب ہوئیں۔پہلی پاکستانی نژاد امریکی میئر فوزیہ جنجوعہ نے اپنے شوہر اور 4 بچوں کی موجودگی میں قرآن پاک پر حلف اٹھایا۔فوزیہ جنجوعہ نے کہا کہ انہیں اپنے پاکستانی پس منظر پر فخر ہے، شہر کی پہلی مسلمان اور پاکستانی میئر بننا اعزاز کی بات ہے۔ان کا مزید کہنا تھا کہ ان کے والد کا تعلق چکوال اور والدہ کا تعلق لاہور سے ہے، والدین 1970 میں امریکا منتقل ہوئے اور وہ امریکا میں پیدا ہوئیں۔