اردو ورلڈ کینیڈا ( ویب نیوز )فیڈرل بیورو آف انویسٹی گیشن (ایف بی آئی) کے ڈائریکٹر کرسٹوفر رے نے کہا ہے کہ وہ نو منتخب صدر ڈونلڈ ٹرمپ کے اگلے ماہ عہدہ سنبھالنے سے قبل اپنے عہدے سے مستعفی ہو جائیں گے۔

برطانوی خبر رساں ایجنسی نے امریکی میڈیا کے حوالے سے خبر دی ہے کہ کرسٹوفر رے نے ایف بی آئی کے اندرونی اجلاس میں اپنے عہدے سے مستعفی ہونے کا اعلان کیا۔واضح رہے کہ نومنتخب صدر ڈونلڈ ٹرمپ نے عوامی طور پر کرسٹوفر رے کی جگہ کاش پٹیل کو لانے کی خواہش کا اظہار کیا ہے، جن کے بارے میں کہا جاتا ہے کہ وہ ٹرمپ کے وفادار ہیں۔ٹرمپ کی نامزدگی کے بعد کاش پٹیل نے ایف بی آئی کے اختیارات کو محدود کرنے کا اشارہ دیا۔کرسٹوفر رے، جنہیں ٹرمپ نے 2017 میں 10 سالہ مدت کے لیے نامزد کیا تھا، ٹرمپ کے عہدہ چھوڑنے کے بعد ان کے بارے میں ایف بی آئی کی تحقیقات کی وجہ سے اپنے دور حکومت میں ریپبلکنز کی جانب سے تنقید کا سامنا کرنا پڑا۔