اردو ورلڈ کینیڈا ( ویب نیوز ) اسرائیلی وزیراعظم نیتن یاہو گرفتاری سے بچنے کے لیے یورپ میں رکے بغیر امریکا جائیں گے۔اسرائیلی میڈیا کے مطابق وزیراعظم نیتن یاہو 24 جولائی کو امریکی صدر جو بائیڈن سے ملاقات اور کانگریس سے خطاب کریں گے۔اسرائیلی وزیراعظم گرفتاری کے خوف سے کسی یورپی ملک میں رکے بغیر امریکا جائیں گے۔رپورٹ میں مزید کہا گیا کہ بین الاقوامی عدالت انصاف نے نیتن یاہو کے وارنٹ گرفتاری جاری کیے ہیں اور خدشہ ظاہر کیا ہے کہ اگر وہ کسی یورپی ملک میں اترتے ہیں یا یورپی فضائی حدود استعمال کرتے ہیں تو انہیں گرفتار کیا جا سکتا ہے۔
اسرائیلی وزیر اعظم نے جمہوریہ چیک اور ہنگری میں رکنے پر غور کیا تھا جو کہ بین الاقوامی فوجداری عدالت کے وارنٹ کا جواب نہیں دیں گے۔اسرائیلی میڈیا کے مطابق نیتن یاہو نے بغیر رکے براہ راست واشنگٹن جانے کو ترجیح دی ہے۔ نیتن یاہو کے طیارے میں زیادہ سے زیادہ 60 مسافر سوار ہوں گے تاکہ طیارہ تل ابیب سے براہ راست واشنگٹن کے لیے پرواز کر سکے۔
