اردو ورلڈ کینیڈا ( ویب نیوز )وفاقی تحقیقاتی ادارے (ایف آئی اے) کے کارپوریٹ بینکنگ سرکل نے غیر ملکی فنڈنگ کیس میں سابق وزیراعظم اور پاکستان تحریک انصاف (پی ٹی آئی) سمیت 11 افراد کے خلاف منگل کو مقدمہ درج کر لیا۔
فرسٹ انفارمیشن رپورٹ (ایف آئی آر) کے مطابق ایف آئی آر میں نامزد ملزمان نے فارن ایکسچینج ایکٹ کی خلاف ورزی کی ہے۔
ایف آئی آر میں سردار اظہر طارق، سیف اللہ نیازی، سید یونس، عامر کیانی، طارق شیخ اور طارق شفیع کو نامزد کیا گیا ہے۔
ایف آئی آر میں کہا گیا کہ ملزمان نجی بینک اکاؤنٹ سے فائدہ اٹھانے والے ہیں جب کہ پی ٹی آئی کا مقامی بینک میں اکاؤنٹ تھا اور مقدمے میں نجی بینک کے منیجر کو بھی نامزد کیا گیا ہے۔
ایف آئی آر کے متن کے مطابق نیا پاکستان کے نام پر بینک اکاؤنٹ بنایا گیا، بینک منیجر نے غیر قانونی بینک اکاؤنٹ چلانے کی اجازت دی اور ابراج گروپ آف کمپنیز نے 2.1 ملین ڈالر بینک اکاؤنٹ میں جمع کرائے۔
اس میں مزید کہا گیا کہ پی ٹی آئی نے عارف نقوی کا حلف نامہ ای سی پی میں جمع کرایا، ابراج گروپ نے بھی پی ٹی آئی کے اکاؤنٹ میں رقم جمع کرائی، اس لیے بیان حلفی غلط ہے۔
