اردو ورلڈ کینیڈا ( ویب نیوز ) وفاقی تحقیقاتی ادارے نے ایک اہم پیش رفت کرتے ہوئے سابق وزیر خارجہ اور پاکستان تحریک انصاف کے وائس چیئرمین شاہ محمود قریشی کو سائفر سے متعلق آڈیو لیکس سے متعلق انکوائری کے لیے جمعہ کو طلب کر لیا۔
واضح رہے کہ سابق سیکرٹری خارجہ سہیل محمود بھی ایف آئی اے ہیڈ کوارٹرز میں تحقیقاتی ٹیم کے سامنے پیش ہوئے جہاں ان سے سائفر معاملے پر پوچھ گچھ کی گئی۔ذرائع کا کہنا ہے کہ شاہ محمود قریشی کو یکم نومبر کے لیے طلبی کا نوٹس جاری کیا گیا، انہیں دوپہر 12 بجے ایف آئی اے ہیڈ کوارٹر طلب کیا گیا ہے، جہاں ان سے سائفر سے متعلق آڈیو لیکس کی جاری انکوائری میں پوچھ گچھ کی جائے گی۔اس سے قبل، وفاقی کابینہ نے پاکستان تحریک انصاف کے سربراہ عمران خان اور ان کی پارٹی کے رہنماں کے خلاف ‘سائپر’ آڈیو لیکس کے حوالے سے قانونی کارروائی کرنے کی باضابطہ منظوری جاری کی تھی۔
