اردو ورلڈ کینیڈا ( ویب نیوز ) فیفا ورلڈ کپ کے دلچسپ مقابلے جاری ، کینیڈا اپنا اگلا گروپ میچ 18 جون کو کھیلے گا، جہاں ٹیم اپنی تاریخ کی پہلی ورلڈ کپ فتح حاصل کرنے کے عزم کے ساتھ میدان میں اترے گی۔
شائقین کو امید ہے کہ میزبان ٹیم اگلے مقابلے میں کامیابی حاصل کر کے ٹورنامنٹ میں اپنی پوزیشن مزید مستحکم بنائے گی۔
فیفا رینکنگ کے مطابق بوسنیا و ہرزیگووینا اس وقت دنیا کی 65ویں نمبر کی ٹیم ہے۔ بوسنیا نے ورلڈ کپ کے لیے کوالیفائی کرنے کے دوران ایک بڑا اپ سیٹ کرتے ہوئے پلے آف فائنل میں اٹلی کو پنالٹی ککس پر شکست دی تھی، جس کے بعد اس ٹیم کو ٹورنامنٹ کی خطرناک ٹیموں میں شمار کیا جا رہا ہے۔دوسری جانب کینیڈا فیفا رینکنگ میں 30ویں نمبر پر ہے اور شریک میزبان ہونے کے باعث براہِ راست ورلڈ کپ کے لیے کوالیفائی کر گیا تھا۔
کینیڈا اس سے قبل 1986 اور 2022 کے ورلڈ کپ میں شرکت کر چکا ہے، تاہم اب تک ورلڈ کپ کی تاریخ میں اسے کسی میچ میں کامیابی حاصل نہیں ہو سکی۔1986 کے ورلڈ کپ میں کینیڈا ایک بھی گول اسکور کرنے میں ناکام رہا تھا جبکہ 2022 کے ایونٹ میں تین میچوں کے دوران صرف دو گول کر سکا تھا۔ اس پس منظر میں بوسنیا کے خلاف حاصل ہونے والا یہ ڈرا بھی کینیڈین فٹ بال کے لیے ایک مثبت پیش رفت قرار دیا جا رہا ہے۔
ادھر بوسنیا و ہرزیگووینا اس سے قبل صرف ایک مرتبہ 2014 کے ورلڈ کپ میں شریک ہوئی تھی، جہاں اس نے ایران کو شکست دی تھی لیکن ارجنٹائن اور نائیجیریا کے ہاتھوں ناکامی کا سامنا کرنا پڑا تھا۔
