اردو ورلڈ کینیڈا ( ویب نیوز )پاکستان تحریک انصاف کے رہنما فواد چوہدری نے ہفتے کے روز کہا ہے کہ حکومت اربوں روپے کی میڈیا مہم چلا رہی ہے کہ پی ٹی آئی کو حکومت کی تبدیلی کے لیے اپنی "حقیقی آزادی” کی مہم کو معطل کرنا ہوگا۔
سابق وزیراطلاعات کا کہنا تھا کہ حکومت نے اپوزیشن پر دہشت گردی کے مقدمات بنائے، چینل بند کیے جا رہے ہیں اور صحافیوں کو ملک چھوڑنے پر مجبور کیا جا رہا ہے۔
فواد کا مزید کہنا تھا کہ سیاسی کارکنوں پر بدترین تشدد کیا جا رہا ہے، ملک میں مہنگائی 44 فیصد تک پہنچ چکی ہے، اس صورتحال میں عمران خان نے تحریک معطل کی تو یہ حکمران پاکستانی عوام کو تباہ کر دیں گے۔
فواد چوہدری نے کہا کہ موجودہ حکمرانوں اور سیلاب سے بیک وقت لڑنا وقت کی اہم ضرورت ہے۔ انہوں نے عوام پر بھی زور دیا کہ وہ حقیقی آزادی کے لیے باہر نکلیں۔
حکومت اربوں روپے کی ایک میڈیا کمپین چلا رہی ہے کہ ملک میں سیلاب کی وجہ سے تحریک انصاف کو حکومت کی تبدیلی کیلئے حقیقی آزادی کی تحریک معطل کر دینی چاہئے، ایک طرف عوام کی آزادی سلب ہے، اپوزیشن پر دہشت گردی کے پرچے کئے جارہے ہیں، چینلز بند کئے جا رہے ہیں صحافی ملک چھوڑنےُپر مجبور ہیں
— Ch Fawad Hussain (@fawadchaudhry) August 27, 2022
