22

 

اردوورلڈ کینیڈا( ویب نیوز)اسپرنگ واٹر ٹاؤن شپ کے ایک گیراج میں آگ لگنے اور آس پاس کے گھر میں پھیل جانے کے بعد ایک شخص کو ہسپتال میں داخل کرایا گیا ہے۔

حکام کا کہنا ہے کہ منگل کی صبح فلوس روڈ 4 ویسٹ پر واقع گھر میں آگ لگی، جس پر قابو پانے کے لیے عملہ پہنچ گیا۔
دو کتوں کو آگ سے بچاتے ہوئے ایک فائر فائٹر اور اونٹاریو کا ایک صوبائی پولیس افسر زخمی ہو گیا۔ دونوں کا جائے وقوعہ پر طبی عملے نے علاج کیا۔
ڈپٹی فائر چیف جیف فرنچ نے بتایا کہ عملے نے پہنچ کر کتوں کو بچانے میں مدد کی۔
حکام کا کہنا ہے کہ مکامی اسپتال میں داخل شخص کو دھوئیں کی وجہ سے سانس لینے میں دشواری کا سامنا ہے۔ آگ لگنے کی وجہ تاحال معلوم نہیں ہوسکی ہے۔ اس آگ سے تقریباً 400,000 ڈالر کے نقصان کا تخمینہ لگایا گیا ہے۔