بھارتی بڑے میڈیا گروپ انڈیا ٹوڈے نے مصنوعی ذہانت کی ٹیکنالوجی پر مبنی  پہلی ‘اینکر ثنا ء متعارف کروا دی

بھارتی میڈیا گروپ کی وائس چیئرپرسن کالی پوری نے کہا کہ اے آئی اینکر کے آنے سے کام میں خلل نہیں پڑے گا لیکن خوبصورت ہونے کے علاوہ وہ کبھی تھکتی نہیں اور متعدد زبانوں میں بولنے کی صلاحیت بھی رکھتی ہیں۔

انہوں نے بتایا کہ اے آئی کی اینکر ثنا کئی بار مختلف زبانوں میں روزانہ کی خبروں کی اپ ڈیٹس لائیں گی، اس کے علاوہ ایک خصوصی نئے شو میں اے آئی کی اینکر ثنا ہماری روزمرہ کی زندگی کے اہم موضوعات پر بات کریں گی۔ جس میں ناظرین سوال پوچھ سکتے ہیں اور وہ ان کا جواب دے گی۔
چیئرپرسن کالی پوری نے مزید کہا کہ ثنا حقیقی زندگی کے اینکرز کے ٹیلنٹ سے سیکھے گی، انہوں نے مزید کہا کہ میڈیا پر سیاسی جماعتوں، کاروباری اداروں، غیر ملکی حکومتوں اور بڑے پیشہ ور افراد کا بہت دباؤ ہے اور یہ کوئی نئی بات نہیں ہے۔