اردو ورلڈ کینیڈا (ویب نیوز)دنیا کے 100 بہترین شہروں میں سے پانچ کینیڈا کے ہیں 2023 کے لیے اس ہفتے جاری ہونے والی رینکنگ کے مطابق کینیڈا کے پانچ شہروں کو دنیا کے بہترین شہر قرار دیا گیا ہے۔
یہاں جن شہروں کی بات کی جا رہی ہے ان کی آبادی دس لاکھ سے زیادہ ہے۔ ٹورنٹو، مونٹریال، کیلگری، وینکوور اور اوٹاوا سرفہرست 100 شہروں میں شامل ہیں
B.C کی مارکیٹنگ کنسلٹنسی، Resonance Consultancy کی جانب سے دنیا کے بہترین شہروں کی رپورٹ کے مطابق، روزگار فراہم کرنے، سرمایہ کاری اور سیاحت وغیرہ جیسے عوامل بنیادی طور پر ان کے ذمہ دار ہیں۔
ان شہروں میں مختلف لگژری، ایجوکیشن اور بڑی کمپنیوں کے ہیڈ آفسز کی بڑی تعداد بھی اس کی بڑی وجہ ہے کہ ٹورنٹو کو کینیڈا کا بہترین شہر اور دنیا کا 24 واں بہترین شہر قرار دیا گیا ہے۔ مونٹریال، کینیڈا کا دوسرا بڑا شہر، آمدنی میں مساوات، ثقافت اور میک گل یونیورسٹی کے ساتھ ساتھ غیر ملکی سرمایہ کاری کو راغب کرنے کے لیے تکنیکی مہارت رکھتا ہے اور 56 ویں نمبر پر ہے۔
کیلگری 65 ویں نمبر پر آیا۔ نوجوان آبادی، تعلیم تک رسائی، آمدنی میں برابری اور بہتر معیار زندگی اس کے ذمہ دار ہیں۔ میٹرو وینکوور اس فہرست میں 69 ویں نمبر پر ہے۔ وینکوور آمدنی میں برابری، بہترین یونیورسٹی، حفاظت اور قدرتی مناظر کی وجہ سے 100 خوبصورت ترین شہروں میں اپنی جگہ بنانے میں کامیاب رہا۔
کینیڈا کے دارالحکومت اوٹاوا کو تعلیم، کم لاگت اور روزگار کی دستیابی کے لیے بہترین شہروں میں شامل کیا گیا ہے۔
لندن اس فہرست میں پہلی پوزیشن حاصل کرنے میں کامیاب رہا۔ اس کے بعد دنیا کے پہلے 10 شہروں میں پیرس، نیویارک، ٹوکیو، دبئی، بارسلونا، روم، میڈرڈ، سنگاپور اور ایمسٹرڈیم شامل ہیں۔
