اردو ورلڈ کینیڈا ( ویب نیوز ) نیو یارک میں ایک شخص نے پولیس افسر سمیت پانچ افراد کو فائرنگ سے ہلا ک کرکے خود کو بھی گولی مار دی
واقعہ نیویارک شہر کے مڈ ٹاؤن مین ہٹن میں پیش آیا جہاں ایک مسلح شخص نے فائرنگ کر کے پولیس افسر دیدار الاسلام سمیت پانچ افراد کو ہلاک کر دیا۔اس واقعے میں ایک پولیس اہلکار اور دوسرے شہری کو پیٹھ میں گولی لگی تاہم ان کی حالت خطرے سے باہر ہے۔عینی شاہدین نے بتایا کہ ایک شخص لمبی بندوق لیے عمارت میں داخل ہوا۔ 634 فٹ اونچی عمارت پارک ایونیو پر واقع ہے اور اس میں نیشنل فٹ بال لیگ اور بلیک اسٹون کے کارپوریٹ دفاتر بھی ہیں۔
عمارت میں غیر معمولی طور پر اعلیٰ حفاظتی انتظامات ہیں۔حکام نے حملہ آور کی شناخت شین تمورا کے نام سے کی اور کہا کہ وہ اکیلا بندوق بردار تھا۔ وہ رائفل لے کر عمارت کی لابی میں داخل ہوا۔ حکام نے حملہ آور کی شناخت شین تمورا کے نام سے کی اور کہا کہ اس نے اکیلے ہی کارروائی کی۔ وہ رائفل لے کر عمارت کی لابی میں داخل ہوا اور ایک پولیس افسر کے ساتھ فائرنگ کا تبادلہ کیا۔ بندوق بردار بعد میں 33ویں منزل پر فرار ہو گیا۔امریکی میڈیا کے مطابق ملزم کا کوئی مجرمانہ پس منظر نہیں تھا۔ وہ ہوائی میں پیدا ہوا اور نیواڈا چلا گیا۔ اس کے پاس ہینڈگن کا لائسنس اور پرائیویٹ تفتیشی لائسنس تھا جس کی میعاد ختم ہو چکی تھی۔میڈیا رپورٹس کے مطابق مسلح شخص نے خود کو گولی مار کر ہلاک کر لیا۔واضح رہے کہ امریکہ میں رواں سال فائرنگ کا یہ 254 واں واقعہ ہے۔
