اردوورلڈ کینیڈا ( ویب نیوز )وادی نیلم میں سیلاب نے تباہی مچادی، متعدد مکانات بہہ گئے۔وادی نیلم میں موسلادھار بارش اور سیلاب کے باعث تہجیان اور دونیال دیہات کے تمام رابطہ پل بھی بہہ گئے، مکین بارش میں بے یارومددگار کسی مددگار مسیحا کے منتظر ہیں۔

تاہم موسلا دھار بارش جاری ہے، ضلعی انتظامیہ کی جانب سے کوئی کارروائی نہیں کی جا سکی۔
دوسری جانب محکمہ موسمیات نے آئندہ 24 گھنٹوں کے دوران کشمیر، گلگت بلتستان، اسلام آباد، خطہ پوٹھوہار سمیت پنجاب، شمال مشرقی اور جنوبی بلوچستان، خیبرپختونخوا اور سندھ میں تیز ہواؤں، آندھی اور گرج چمک کے ساتھ مزید موسلادھار بارش کی پیش گوئی کی ہے۔