اردو ورلڈ کینیڈا ( ویب نیوز)خیبرپختونخوا کے مختلف علاقوں میں موسلادھار بارشوں کا سلسلہ جاری ہے، سیلابی ریلے نے مکانات اور فصلوں کو نقصان پہنچایا، سڑکیں بند اور بجلی کی بندش کے باعث سوات میں سیلابی پانی سے ہونے والے نقصانات کے باعث متعدد افراد گھروں سے باہر نکل گئے۔ .
مینگورہ بائی پاس پر متعدد مکانات اور ہوٹل زیرآب آگئے۔ جبکہ مینگورہ بائی پاس کی سڑک سیلابی پانی میں ڈوب جانے کے باعث ہر قسم کے سفر کے لیے بند کر دی گئی۔
دریائے سوات میں اونچے درجے کے سیلاب کے خطرے کے پیش نظر انتظامیہ نے مکینوں کو گھروں سے نکلنے کی ہدایت کردی۔
ضلع ٹانک میں بھی بارش نے تباہی مچا دی۔ سیلاب سے 90 فیصد علاقہ بری طرح متاثر ہوا ہے۔ سیلابی ریلا 3 افراد کو بھی بہا لے گیا۔
دوسری جانب دریائے چناب کے سیلابی پانی کے باعث مکینوں کو خوراک کی قلت، بجلی کی بندش کا سامنا ہے۔ لوگ اپنی زمینیں اور جانور کھو چکے ہیں۔ سیلاب سے ان کے مکانات بھی بہہ گئے ہیں۔ علاقے کے لوگ بغیر کسی چھت اور پناہ کے آسمان تلے زندگی گزار رہے ہیں۔
