اردو ورلڈ کینیڈا ( ویب نیوز )الیکشن کمیشن آف پاکستان نے پنجاب اور خیبرپختونخوا کے انتخابات کی تاریخ کے لیے گورنرز کو ایک بار پھر خط لکھ دیا ہے۔

خط میں کہا گیا ہے کہ پنجاب اسمبلی 14 جنوری کو تحلیل کی گئی تھی، الیکشن کی تاریخ ابھی نہیں دی گئی، خیبرپختونخوا اسمبلی 18 جنوری کو تحلیل ہوئی تھی، تاہم گورنر خیبرپختونخوا کی جانب سے الیکشن کی تاریخ کا اعلان نہیں کیا گیا۔ .

الیکشن کمیشن نے خط میں مزید کہا کہ آرٹیکل 105 کے تحت تحلیل ہونے کی صورت میں گورنر کو الیکشن کی تاریخ دینا ہوگی جب کہ اسمبلی تحلیل ہونے کے 90 دن کے اندر الیکشن کرانا آئینی ذمہ داری ہے۔

یاد رہے کہ اس سے قبل الیکشن کمیشن 24 جنوری کو دونوں گورنرز کو خط لکھ چکا ہے تاہم الیکشن کمیشن کو تاحال کوئی جواب نہیں ملا۔