27
اردوورلڈ کینیڈا( ویب نیوز)بلوچستان کی تاریخ میں پہلی بار ضلعی انتظامیہ کی جانب سے خواتین کے مسائل سننے کے لیے جرگہ کا اہتمام کیا گیا۔.
صوبے کی تاریخ میں پہلی بار بلوچستان کے ضلع اوران میں ڈپٹی کمشنر آواران انجینئر عائشہ زہری نے خواتین کے مسائل سننے کے لیے ایک جرگہ کا اہتمام کیا، جس میں خواتین ڈاکٹروں، خواتین اساتذہ، کالج کی طالبات اور خواتین کونسلرز نے شرکت کی۔.
اس موقع پر شرکاء نے ہنر مند خواتین کے لیے ووکیشنل ٹریننگ اینڈ ایمبرائیڈری سنٹر کے قیام، گرلز کالج میں فرنیچر اور اساتذہ کی کمی اور طلبہ کے لیے بسوں کی فراہمی کے حوالے سے سفارشات پیش کیں
جرگہ کے اختتام پر حاضرین نے ضلعی انتظامیہ کے اقدامات کی تعریف کی اور ہر قسم کے تعاون کی یقین دہانی کرائی۔.
