اردوورلڈ کینیڈا ( ویب نیوز )فورڈ گرین بیلٹ کے معاملے میں سوالوں کے جواب دینے والے صحافیوں سے الجھ گیا۔ ایک طرف انہوں نے اونٹاریو کے ہاؤسنگ منسٹر کی طرفداری کی اور دوسری طرف گرین بیلٹ پلان کو بھی درست قرار دیا۔
فورڈ نے جمعرات کی صبح ایٹوبیکوک میں ایک نیوز کانفرنس کی۔ اس وقت وزیر محنت و تعلیم بھی ان کے ہمراہ تھے۔ لیکن یہ معاملہ انٹیگریٹی کمشنر کے نتائج کے ساتھ ساتھ ہاؤسنگ منسٹر کے استعفیٰ کے بڑھتے ہوئے مطالبے سے الجھ گیا۔ فورڈ نے کہا کہ ہاؤسنگ منسٹر سٹیو کلارک کا کام بہت مشکل ہے اور وہ اپنے عہدے پر رہیں گے اور اگلی دہائی کے دوران حکومت کے 1·5 ملین گھروں کی تعمیر میں کلیدی کردار ادا کریں گے۔
واضح رہے کہ بدھ کو انٹیگریٹی کمشنر کی جانب سے یہ اطلاع دی گئی تھی کہ کلارک کی جانب سے ممبرز انٹیگریٹی ایکٹ کی دو شقوں کی خلاف ورزی کی گئی ہے۔ اس کے بعد کلارک کے استعفیٰ کا مطالبہ زور پکڑنے لگا۔ اس کے بعد فورڈ غصے میں آگئے جب ایک صحافی نے سوال کیا کہ آپ اس معاملے کی تمام تر ذمہ داری لیں گے۔ اس سوال کا جواب دینے کے بجائے فورڈ نے کہا کہ انہیں یقین ہے کہ آپ کے پاس گھر ہوگا اور آپ اس کے بعد اپنے گھر جائیں گے لیکن بہت سے لوگ ایسے ہیں جن کے پاس گھر نہیں ہیں۔ ہم ان کے لیے گھر تیار کرنے کی کوشش کر رہے ہیں۔
دوسری جانب جمعرات کو اپنی نجی نیوز کانفرنس میں کلارک نے اپنے عہدے سے استعفیٰ دینے سے انکار کردیا۔ انہوں نے اونٹاریو کے لوگوں سے معافی بھی نہیں مانگی۔
