محکمہ موسمیات کے مطابق آج شام سے بارش اور تیز ہواؤں کا نیا سلسلہ شروع ہونے کا امکان ہے جو 30 ستمبر تک جاری رہے گا جب کہ بالائی اضلاع میں برفباری کا بھی امکان ہے۔
محکمہ موسمیات کا کہنا ہے کہ آج سے 30 ستمبر تک چترال، دیر، ایبٹ آباد اور گلگت بلتستان میں بارش کا امکان ہے۔
اس کے علاوہ آج اور کل اسلام آباد، راولپنڈی، پشاور، ژوب، بارکھان، ڈیرہ غازی خان، ملتان، بہاولپور اور بہاولنگر میں بھی بارش کا امکان ہے۔ بارش کی وجہ سے درجہ حرارت میں نمایاں کمی آئے گی۔
صوبائی ڈیزاسٹر مینجمنٹ اتھارٹی نے بارش کے باعث بالائی اضلاع میں لینڈ سلائیڈنگ اور نشیبی علاقوں میں شہری سیلاب کا خدشہ ظاہر کیا ہے۔
پی ڈی ایم اے نے بارش کے باعث پیدا ہونے والی صورتحال سے نمٹنے کے لیے ضلعی انتظامیہ کو الرٹ رہنے کی ہدایت کی ہے۔