اردوورلڈ کینیڈا ( ویب نیوز)آئی ایم ایف کے ساتھ پاکستان کے قرضہ پروگرام میں تعطل کی وجہ سے رواں مالی سال 2022-23 کے پہلے دس مہینوں (جولائی تا اپریل) کے دوران پاکستان کو ملنے والی غیر ملکی امداد میں ایک سال میں 60.5 فیصد کی کمی واقع ہوئی ہے

پاکستان کو رواں مالی سال کے پہلے دس ماہ میں 8 ارب 12 ارب ڈالر کی غیر ملکی امداد موصول ہوئی ہے جبکہ گزشتہ مالی سال کے پہلے دس ماہ میں اسے 13 ارب ڈالر کی غیر ملکی امداد ملی تھی۔۔

اقتصادی امور ڈویژن نے اپریل 2023 تک کی غیر ملکی امداد سے متعلق ماہانہ رپورٹ جاری کر دی ہے جس کے مطابق رواں مالی سال کے بجٹ میں غیر ملکی امداد کا تخمینہ 22.65 بلین ڈالر لگایا گیا تھا۔

رپورٹ میں بتایا گیا ہے کہ رواں مالی سال کے پہلے دس ماہ میں ایشیائی ترقیاتی بینک سے 1 ارب 97 کروڑ ڈالر کا قرضہ ملا جب کہ ورلڈ بینک نے 1 ارب 17 کروڑ ڈالر کا قرضہ دیا ہے، اس کے علاوہ آئی ایم ایف نےایک  ارب 16 ارب ڈالر  دئیے ہیں

رپورٹ کے مطابق رواں مالی سال جولائی سے اپریل تک سعودی عرب سے تیل کی سہولت کے تحت 980 ملین ڈالر موصول ہوئے، 10 ماہ میں کمرشل بینکوں سے 900 ملین ڈالر قرضہ لیا گیا  ۔