اردو ورلڈ کینیڈا ( ویب نیوز ) سابق کپتان انضمام الحق اور مصباح الحق کو باضابطہ طور پر پاکستان کرکٹ بورڈ کے ہال آف فیم میں شامل ہو گئے ۔
تقریب قذافی اسٹیڈیم لاہور میں منعقد ہوئی جہاں پی سی بی کے چیئرمین محسن نقوی نے انضمام الحق اور مصباح الحق کو ہال آف فیم کے ساتھ کیپ پہنائی اور پلاک پیش کی گئی ،ہال آف فیم کیپس پہنے ہوئے، انضمام الحق اور مصباح الحق نے گراؤنڈ میں چکر لگایا ، کرکٹ کے شائقین نے سابق کپتانوں کا تالیوں سے استقبال کیا۔پی سی بی کے چیئرمین نے پاکستان کرکٹ میں دونوں کھلاڑیوں کی خدمات کو سراہتے ہوئے کہا کہ پاکستان کی خوش قسمتی ہے کہ اس نے ایسے شاندار کھلاڑی پیدا کیے جنہوں نے پوری دنیا میں اپنی صلاحیتوں اور کھیل کود کا مظاہرہ کیا۔
انہوں نے کہا کہ امید ہے کہ ہمارے نوجوان کرکٹرز بھی ان عظیم کھلاڑیوں کے نقش قدم پر چلیں گے اور پاکستان کرکٹ کی پوزیشن مضبوط کریں گے۔تقریب کے دوران آئی سی سی چیمپئنز ٹرافی بھی دکھائی گئی، جہاں سابق کپتانوں نے ٹرافی کے ساتھ تصاویر کھنچوائیں اور اسے اٹھا لیا۔واضح رہے کہ گزشتہ ماہ پی سی بی نے 2024 کے لیے ہال آف فیم کرکٹرز کا اعلان کیا تھا جس میں سابق کپتان مشتاق احمد، انضمام الحق، مصباح الحق اور سعید انور شامل تھے۔
