اردو ورلڈ کینیڈا ( ویب نیوز ) امریکی جوائنٹ چیفس آف اسٹاف جنرل مارک ملی نے کہا ہے کہ رواں سال ہی یوکرائنی علاقوں سے روسی افواج کو نکالنا بہت مشکل ہوگا۔ جرمنی میں امریکہ کے رامسٹین ایئر بیس پر ہونے والے اجلاس میں شرکت کے موقع پر جنرل مارک ملی نے کہا کہ یوکرین کے لیے اسی سال روس کے قبضے سے اپنی ایک انچ زمین کو آزاد کرانا بہت مشکل ہو گا۔
یہ بھی پڑھیں
روس کا یوکرین پر حملہ؛ 7 افراد مارے گئے ، 58سے زائد زخمی
جرمنی میں یوکرین کی دفاعی مدد کے لیے ہونے والے اجلاس میں شریک 50 ممالک کے دفاعی حکام نے یوکرین کو جدید جنگی صلاحیتوں سے لیس لیوپارڈ ٹو ٹینکوں کی فراہمی کے حوالے سے بات چیت میں کسی نتیجے پر نہیں پہنچ سکے تاہم یوکرین کو دفاعی امداد جاری رکھنے پر اتفاق کیا۔
یہ بھی پڑھیں
تجاویز پر عمل نہ ہوا تو سخت رد عمل دینگے ،روس کی یوکرین اور امریکہ کو دھمکی
اجلاس کے آغاز میں یوکرین کے صدر زیلنسکی نے شرکاء سے مزید ہتھیار فراہم کرنے کی اپیل کرتے ہوئے کہا کہ روس کی جانب سے شروع کی گئی جنگ ہمیں مزید تاخیر کی اجازت نہیں دیتی۔ دوسری جانب اعلیٰ امریکی حکام نے یوکرین کو امریکی ہتھیاروں کی فراہمی اور فوجی تربیت مکمل ہونے سے قبل روس کے خلاف کسی قسم کی جارحانہ کارروائی سے روک دیا ۔
