244
اردورلڈ کینیڈا ( ویب نیوز )چیف جسٹس قاضی فائز عیسیٰ کی سربراہی میں سپریم کورٹ آف پاکستان کے فل کورٹ اجلاس میں پریکٹس اینڈ پروسیجر بل کیس کی سماعت براہ راست دکھانے پر اتفاق کیا گیا۔
سپریم کورٹ کے کمرہ نمبر ایک میں چار کیمرے نصب کر دیئے گئے، پریکٹس اینڈ پروسیجر بل کیس کی سماعت سرکاری ٹی وی پر براہ راست نشر کی جائے گی۔
فل کورٹ اجلاس کا 4 نکاتی ایجنڈا
اجلاس سے قبل چیف جسٹس آف پاکستان جسٹس قاضی فائز عیسیٰ کی سربراہی میں پہلے روز فل کورٹ اجلاس کا 4 نکاتی ایجنڈا جاری کیا گیا۔
ایجنڈے میں زیر التوا مقدمات اور ترجیحی بنیادوں پر سماعت کے لیے مقدمات کا انتخاب شامل ہے۔
مفاد عامہ کے مقدمات کی کارروائی کو ٹیلی کاسٹ کرنے کا معاملہ بھی ایجنڈے میں شامل ہے، مقدمات کی موثر سماعت کے لیے رہنما اصول طے کرنے پر مشاورت اس ایجنڈے کا حصہ ہے۔
