پاک فوج کے شعبہ تعلقات عامہ (آئی ایس پی آر) کے مطابق لیفٹیننٹ کرنل سید کاشف اور کیپٹن احمد کی نماز جنازہ چکلالہ گیریژن میں ادا کی گئی. صدر آصف علی زرداری، آرمی چیف جنرل سید عاصم منیر، وفاقی وزیر خارجہ، وزیر داخلہ، سینئر فوجی افسران اور شہداء کے لواحقین نے شرکت کی
چیئرمین جوائنٹ چیفس آف اسٹاف کمیٹی جنرل ساحر شمشاد نے بھی نماز جنازہ میں شرکت کی
آئی ایس پی آر کے مطابق صدر اور آرمی چیف نے چکلالہ گیریژن میں شہداء کے اہل خانہ کو گلے لگایا اور تسلی دی.
بعد ازاں شہداء کی لاشوں کو ان کے آبائی علاقوں میں لے جایا گیا جہاں انہیں پورے فوجی اعزاز کے ساتھ سپرد خاک کیا جائے گا.
اس موقع پر صدر نے اپنے بیان میں کہا کہ پاکستانی فوج نے ایمان، اتحاد اور نظم و ضبط کے نظریات کو مسلسل برقرار رکھا ہے، پاکستانی فوج نے ہمیشہ دہشت گردی کے خلاف جنگ میں پیشہ ورانہ مہارت اور وفاداری کے اعلیٰ معیار قائم کیے ہیں
صدر آصف علی زرداری نے کہا کہ بہادر بیٹوں نے مادر وطن کے دفاع کے لیے قربانی دینے میں کبھی ہچکچاہٹ محسوس نہیں کی، پوری قوم ہماری مسلح افواج کے ساتھ کھڑی ہے.