اردو ورلڈ کینیڈا ( ویب نیوز ) پاکستان کرکٹ ٹیم نے گال میں کھیلے گئے پہلے ٹیسٹ میچ میں سری لنکا کو چار وکٹوں سے شکست دے دی۔
سری لنکا کی جانب سے دیا گیا 131 رنز کا ہدف پاکستان نے 6 وکٹوں کے نقصان پر حاصل کر لیا۔ہدف کے تعاقب میں قومی ٹیم کی جانب سے امام الحق نے 50 اور آغا سلمان نے 6 رنز بنائے۔
پانچواں دن
گال میں کھیلے جا رہے سیریز کے پہلے ٹیسٹ میچ کے آخری روز پاکستان نے 48 رنز 3 کھلاڑی آؤٹ سے اننگز کا آغاز کیا تاہم کپتان بابر اعظم جلد ہی اپنی وکٹ گنوا بیٹھے اور پربھات جے سوریا کا شکار ہو گئے جب کہ سعود شکیل کو رمیش مینڈس نے پویلین بھیج دیا پاکستان کی جانب سے عبداللہ شفیق 8، شان مسعود 7، بابر اعظم 24، سعود شکیل 30، نعمان علی 0 رنز بنا کر آؤٹ ہوئے، سری لنکا کی جانب سے دوسری اننگز میں پربھارت جے سوریا نے 3 جبکہ رمیش مینڈس نے ایک وکٹ حاصل کی۔
یہ بھی پڑھیں
سعود شکیل کی شاندار ڈبل سنچری، گال ٹیسٹ پر پاکستان کی گرفت مضبوط
چوتھا دن
پہلے ٹیسٹ میچ کے چوتھے روز سری لنکا نے دوسری اننگز کا آغاز 14 رنز کے مجموعی سکور سے کیا تاہم کپتان دیموتھ کرونارتنے 20، کوشل مینڈس 18، اینجلو میتھیوز 7، نشان مدھیشکا 52، دنیش چندیمل 28، سمارا وکرما 11 اور رمیش مینڈس 2 رنز بنا کر پویلین لوٹ گئے۔سری لنکا کے دھننجایا ڈی سلوا 82 رنز کی مزاحمتی اننگز کھیل کر شاہین آفریدی کا شکار بن گئے۔ پربت جے سوریا 10 اور کسن راجیتھا 5 رنز بنا کر پویلین لوٹ گئے۔پاکستان کی جانب سے نعمان علی اور ابرار احمد نے 3 اور 3 کھلاڑیوں کو آؤٹ کیا جب کہ آغا سلمان اور شاہین شاہ آفریدی نے بالترتیب 2 اور 2 وکٹیں حاصل کیں۔
تیسرا دن
پہلے ٹیسٹ میچ کے تیسرے روز پاکستان نے پانچ وکٹوں کے نقصان پر 221 رنز سے اننگز کا آغاز کیا۔ 278 کے مجموعی سکور پر آغا سلمان 83 رنز بنا کر پویلین لوٹ گئے، انہوں نے سعود شکیل کے ساتھ 177 رنز کی شراکت قائم کر کے پاکستان کی پوزیشن مستحکم کی۔دیگر کھلاڑیوں میں نعمان علی نے 25، شاہین شاہ آفریدی نے 9، نسیم شاہ نے 6 اور ابرار احمد نے 10 رنز بنائے جب کہ سعود شکیل 208 رنز بنانے کے بعد ناٹ آؤٹ رہے۔سری لنکا کی جانب سے رمیش مینڈس نے 5، پربھات جے سوریا نے 3 جب کہ وشوا فرنینڈو اور کسن راجیتھا نے ایک ایک وکٹ حاصل کی۔
مزید پڑھیں
گال ٹیسٹ کا تیسرا دن: سعود شکیل کے 150 رنز مکمل،پاکستان کو 66 رنز کی برتری
دوسرا دن
دوسرے روز پاکستان کا ٹاپ آرڈر سری لنکن باؤلرز کے سامنے ریت کی دیوار ثابت ہوا اور 101 کے مجموعی سکور پر آدھی ٹیم آؤٹ ہو گئی۔دوسرے دن کا کھیل شروع ہوا تو سری لنکا نے اسکور میں 70 رنز کا اضافہ کیا۔ انہوں نے 12 چوکوں اور 3 چھکوں کی مدد سے 122 رنز بنائے۔ایک سال بعد ٹیسٹ کرکٹ میں واپسی کرنے والے شاہین شاہ آفریدی کے علاوہ نسیم شاہ اور ابرار احمد نے 3، 3 جب کہ آغا سلمان نے ایک وکٹ حاصل کی۔سری لنکا کے خلاف پاکستان نے اننگز کا مایوس کن آغاز کیا، امام الحق نے ایک، عبداللہ شفیق نے 19، کپتان بابر اعظم نے 13 اور سرفراز احمد نے صرف 17 رنز بنائے۔ صرف شان مسعود 39 رنز کا قدرے بہتر سکور بنانے میں کامیاب رہے۔بعد ازاں سعود شکیل اور آغا سلمان نے اچھی بیٹنگ کا مظاہرہ کیا۔ دونوں کھلاڑی 69 اور 61 رنز کے ساتھ کریز پر موجود ہیں۔
یہ بھی پڑھیں
گال ٹیسٹ کا دوسرا دن: سری لنکن ٹیم 312 رنز پر آئوٹ
پہلا دن
پاکستان کے خلاف گال ٹیسٹ میچ میں کھانے کے وقفے تک سری لنکا نے 5 وکٹوں کے نقصان پر 226 رنز بنائے۔پہلے ٹیسٹ میں سری لنکن کپتان نے ٹاس جیت کر پہلے بیٹنگ کا فیصلہ کیا تاہم اوپنر نشان مدھیشکا 6 کے عوض 4 رنز بنا کر آؤٹ ہوئے۔سابق کپتان اینجلو میتھیوز اور دھننجایا ڈی سلوا نے 131 رنز کی شراکت قائم کر کے ٹیم کو مشکل سے نکالا تاہم میتھیوز 64 رنز بنا کر ابرار احمد کا شکار ہو گئے۔سری لنکا نے پہلے دن 5 وکٹوں کے نقصان پر 242 رنز بنائے جبکہ بارش کے باعث کھیل بھی روک دیا گیا۔دو ٹیسٹ میچوں کی سیریز کا دوسرا میچ 24 جولائی سے کولمبو میں شروع ہوگا۔گال میں کھیلا جانے والا یہ ٹیسٹ ورلڈ ٹیسٹ چیمپئن شپ 2023-25 میں پاکستانی ٹیم کا پہلا ٹیسٹ ہے۔
