ishtiaq ahmed 
اردو ورلڈ کینیڈا ( ویب نیوز )گال ٹیسٹ میچ کی دوسری اننگز میں سری لنکن ٹیم 337 رنز بنا کر آل آؤٹ ہوگئی، پاکستان کو جیت کے لیے 341 رنز درکار ہیں
چوتھا دن
سری لنکا نے چوتھے دن اننگز کا آغاز کیا تو پربت جے سوریا صرف 8 رنز جوڑنے کے بعد نسیم شاہ کے ہاتھوں بولڈ ہو گئے، یوں سری لنکا کی دوسری اننگز 337 رنز پر ختم ہوئی۔ لنکن ٹائیگرز کی جانب سے دنیش چندیمل نے ناقابل شکست 94 رنز بنائے۔
تیسرا دن
پاکستان اور سری لنکا کے درمیان گال میں جاری ٹیسٹ میچ کے تیسرے دن کے اختتام پر سری لنکا نے 9 وکٹوں پر 329 رنز بنائے جس کے نتیجے میں اسے 333 رنز کی مجموعی برتری حاصل ہوگئی۔
سری لنکا نے ایک وکٹ کے نقصان پر 37 رنز سے کھیل کا آغاز کیا۔ اوشادا فرنینڈو 64 رنز بنانے کے بعد آؤٹ ہوئیں۔ کسان راجیتھا صرف 7 رنز بنا کر اور اینجلو میتھیوز 9 رنز بنا کر پویلین لوٹ گئے۔ کوشل مینڈس نے 76، دھنن جیا نے 2، نروشن نے 12 رنز، رمیش مینڈس نے 19 اور مہیش تھیکشنا نے 11 رنز بنائے۔ چندیمل نے 86 رنز کی شاندار اننگز کھیلی اور ناٹ آؤٹ رہے۔
