گیریرو، جو پچھلے ہفتے بائیں ہیمسٹرنگ انجری کا شکار ہوئے تھے، منی سوٹا ٹوئنز کے خلاف میچ میں تیسرے نمبر پر بیٹنگ کرتے ہوئے 4 میں سے ایک ہٹ کے ساتھ دو رن بٹورنے میں کامیاب رہے۔ انہوں نے چھٹی اننگ میں دو آؤٹ اور دو اسٹرائیک کے بعد ایک شاندار دو رنز کا سنگل مارا جس سے بلیو جیز نے اپنی برتری مزید مستحکم کی۔ میچ میں ٹورنٹو نے ٹوئنز کو 4-10 سے شکست دے دی۔بلیو جیز مینیجر جان شنائیڈر نے کہا کہ "کچھ وقت لگا کہ وہ کھیل میں رنگ میں آئیں، لیکن وہ بہترین ہٹر ہیں، اسی لیے اہم موقع پر شاندار شاٹ کھیلا۔ اس بیٹنگ نے ہمیں میچ پر مکمل کنٹرول دیا۔”میچ کی پہلی اننگ میں الیخاندرو کرک نے منی سوٹا کے اسٹارٹر جو رائن کے خلاف دو رنز کا ہوم رن لگایا جبکہ دوسری اننگ میں آندریس جیمنیز نے سولو شاٹ مارا۔ اس کے علاوہ جارج اسپرنگر اور نیتھن لوکس نے بھی شاندار کارکردگی دکھائی اور دونوں نے دو دو ہٹ حاصل کیے۔

ٹورنٹو کے اسٹارٹر میکس شرزر نے چھ اننگز کھیلتے ہوئے فتح اپنے نام کی۔ تاہم انہوں نے منی سوٹا کے بیٹر میٹ والنر کو دو ہوم رنز دیے، جن میں ایک سولو اور ایک دو رنز کا شاٹ شامل تھا۔ لیکن چھٹی اننگ میں بلیو جیز نے شاندار کم بیک کرتے ہوئے لوکس کے دو رنز کے ڈبل اور گیریرو کے دو رنز کے سنگل کی بدولت کھیل اپنے نام کر لیا۔

گوریرو، جن کے اس سیزن میں اب تک 21 ہوم رنز ہیں، کو گزشتہ اتوار میامی کے خلاف بطور پنچ ہٹر استعمال کیا گیا تھا۔ ان کی انجری 18 اگست کو پٹسبرگ پائریٹس کے خلاف میچ میں ہوئی تھی جب وہ فیلڈ پر ایک مشکل پلے کرنے کی کوشش کر رہے تھے۔ٹیم مینیجر نے کہا کہ گیریرو کو جلد ہی فیلڈ میں بھی واپس لایا جاسکتا ہے لیکن ان کی فٹنس کو دیکھتے ہوئے یہ فیصلہ روزانہ کی بنیاد پر کیا جائے گا۔اس فتح کے بعد بلیو جیز کا ریکارڈ 55-77 ہوگیا ہے اور وہ امریکن لیگ ایسٹ میں بوسٹن ریڈ ساکس پر پانچ گیمز کی برتری رکھتے ہیں۔ ٹورنٹو اس وقت امریکن لیگ کی اسٹینڈنگز میں دوسرے نمبر پر ہے اور تیسرے نمبر پر موجود ہیوسٹن ایسٹروس پر ساڑھے چار گیمز کی سبقت رکھتا ہے۔