اردوورلڈ کینیڈا( ویب نیوز)نیشنل کیپیٹل ریجن کے ڈرائیورز کے لیے خوشخبری ہے، جمعرات کو گیس کی قیمت میں آٹھ سینٹ کمی ہو گی جس کے بعد نئی قیمت 133.9 سینٹ فی لیٹر ہو جائے گی جو اگست کے بعد سب سے کم سطح ہے۔

یہ کمی 18 ستمبر کی رات 12:01 بجے سے نافذ ہو گی۔ ماہرین کا کہنا ہے کہ یہ کمی موسمِ گرما سے خزاں کے سستے ایندھن (Fall Gas Blend) پر منتقلی اور طلب میں کمی کی وجہ سے ہوئی ہے۔

ماہرین کے مطابق یہ حالیہ ہفتوں میں سب سے بڑی ایک دن کی کمی ہے اور اس سے ڈرائیورز کو نمایاں ریلیف ملے گا۔