اردو ورلڈ کینیڈا ( ویب نیوز )وفاقی حکومت نے انٹرنیشنل مانیٹری فنڈ (آئی ایم ایف) کی شرائط پوری کرتے ہوئے گیس کی قیمتوں میں اضافہ کردیا۔
حکومت نے گیس کی قیمتوں میں 16.6 فیصد سے 124 فیصد تک اضافہ کر دیا ہے، 50 کیوبک میٹر تک گیس استعمال کرنے والے گھریلو صارفین اضافے سے مستثنیٰ ہوں گے۔
100 کیوبک میٹر گیس استعمال کرنے والے گھریلو صارفین کے لیے قیمت میں 16.6 فیصد اضافہ کیا گیا ہے اور 100 کیوبک میٹر گیس کی قیمت 300 روپے سے بڑھا کر 350 ایم ایم بی ٹی یو کر دی گئی ہے۔
اسی طرح 200 کیوبک میٹر گیس استعمال کرنے والے گھریلو صارفین کے لیے قیمت میں 32 فیصد اضافہ کیا گیا ہے اور 200 کیوبک میٹر گیس استعمال کرنے والے گھریلو صارفین کے لیے قیمت 553 روپے سے بڑھا کر 730 ایم ایم بی ٹی یو کر دی گئی ہے۔ .
گھریلو، کمرشل، پاور سیکٹر، فرٹیلائزر، سیمنٹ انڈسٹری اور سی این جی سمیت تمام شعبوں کے لیے گیس کی قیمتوں میں اضافہ کیا گیا ہے۔
خیال رہے کہ اس سے قبل وزیر خزانہ اسحاق ڈار کی زیر صدارت اقتصادی رابطہ کمیٹی (ای سی سی) کے اجلاس میں قدرتی گیس کی قیمتوں میں اضافے کی منظوری دی گئی تھی۔
