دوحہ میں حماس اور اسرائیل کے درمیان جنگ بندی کے لیے بالواسطہ مذاکرات کا پہلا دور غیر نتیجہ خیز طور پر ختم ہوا۔ذرائع کا کہنا ہے کہ مذاکرات کے لیے آنے والے اسرائیلی وفد کے پاس حتمی معاہدے تک پہنچنے کا اختیار نہیں تھا۔

دوسری جانب اسرائیلی وزیر اعظم بنجمن نیتن یاہو نے ہفتے کی رات کہا کہ حماس کے تازہ ترین مطالبات اسرائیل کے لیے ناقابل قبول ہیں لیکن اس کے باوجود وہ دوحہ میں ایک اعلیٰ سطحی مذاکراتی ٹیم بھیج رہے ہیں۔یاد رہے کہ حالیہ دنوں میں فلسطینی مزاحمتی تنظیم حماس نے غزہ میں جنگ بندی اور قیدیوں کے تبادلے کے لیے قطر اور امریکہ کے درمیان نئے مجوزہ معاہدے پر ثالثوں کو مثبت جواب دیا۔ ڈونلڈ ٹرمپ نے یہ بھی دعویٰ کیا کہ اسرائیل نے غزہ میں 60 روزہ جنگ بندی کو حتمی شکل دینے کی شرائط پر اتفاق کیا ہے۔اتوار کو نیو جرسی میں صحافیوں سے بات کرتے ہوئے صدر ٹرمپ نے کہا کہ ہمارے پاس اس ہفتے حماس کے ساتھ معاہدہ کرنے کا اچھا موقع ہے، کچھ یرغمالی باہر آ سکتے ہیں۔. میں نیتن یاہو اور ایران سے مستقل معاہدے پر کام کرنے کے بارے میں بات کروں گا۔