اردو ورلڈ کینیڈا ( ویب نیوز ) اسرائیل کی غزہ میں بمباری کا سلسلہ رمضان المبارک میں بھی نہ رک سکا ،مزید 130 فلسطینی ہلاک ، 263 زخمی ہو چکے ہیں۔

فلسطینی وزارت صحت کے مطابق بہت سے زخمیوں کی حالت تشویشناک ہے جس سے ہلاکتوں کی تعداد میں اضافے کا خطرہ بڑھ گیا ہے۔اسرائیل نے غزہ میں دوبارہ بمباری اور زمینی حملے شروع کر دیے ہیں، جس کا مقصد مبینہ طور پر حماس کے زیر حراست اسرائیلی یرغمالیوں کی رہائی پر دباؤ ڈالنا ہے۔
دریں اثنا، اسرائیلی فورسز بھی جنوبی لبنان میں گولہ باری اور فضائی حملے جاری رکھے ہوئے ہیں۔. اسرائیلی فوج کا کہنا ہے کہ اس نے سرحد پار سے فائر کیے گئے راکٹوں کو روکا اور جواب میں لبنان کے دو شہروں پر گولہ باری کی اور تین دیگر علاقوں میں فضائی حملے کیے۔اسرائیلی آرمی ریڈیو کے مطابق یہ حملے لبنانی سرزمین سے راکٹ فائر کے بعد ہوئے۔. لبنانی حکام کا کہنا ہے کہ ان حملوں میں متعدد عمارتیں تباہ ہوئیں اور شہریوں میں خوف و ہراس پھیل گیا۔کشیدگی اس وقت بڑھ گئی جب اسرائیلی حکام نے کہا کہ انہوں نے سرحدی علاقے میں تین راکٹ مار گرائے۔. تاہم حزب اللہ نے ان حملوں سے کسی تعلق کی تردید کی ہے۔اس صورتحال سے غزہ جنگ کے مزید پھیلاؤ کا خدشہ خطے میں پھیل رہا ہے جہاں ہزاروں فلسطینی پہلے ہی شہید ہو چکے ہیں اور لاکھوں بے گھر ہو چکے ہیں۔